Cocaine

• "Nose Candy"

Yn deillio o'r planhigyn coca Erythroxylum, mae cocên yn alcaloid tropan a ddefnyddiwyd gynt fel anesthetig lleol. Fel arfer fe'i ceir ar ddwy ffurf: ar ffurf "crac" sy'n sefydlog o ran gwres neu ar ffurf "sylfaen rydd", heb gyfran hydroclorid a chyda berwbwynt is sy'n golygu y gellir ei ysmygu. Mae'r ffurf arall, sef “stryd” neu “côc” yn cynnwys cydran hydroclorid sy'n caniatáu hydoddedd dwr - i'w gymryd trwy'r genau, trwy'r trwyn ac ati. Gellir cymryd cocên drwy'r geg hefyd drwy ei amsugno i'r bochau. Yn aml, caiff cocên ei dorri â lignocaine neu bensocaine, sef anesthetigion lleol sy'n debyg o ran eu golwg ac sydd â rhai effeithiau tebyg i gocên. Mae cocên wedi'i halogi â levamisole a difwynwyr eraill hefyd yn gyffredin. Mae cocên yn gweithredu fel atalydd ailfewnlifiad serotonin, dopamin a noradrenalin, ac mae ganddo botensial caethiwus cryf yn dilyn defnydd hamdden. - Byddwch yn ymwybodol o'r amrywiadau mawr o ran purdeb - Llyncu / Bomio: Mae cyffuriau adfywiol yn llosgyddion a gallan nhw gyrydu meinweoedd meddal. Gall hyn arwain at niwed i leinin y gwddf, yr oesoffagws a'r stumog. Llyncwch o fewn capsiwl/papur sigarét - Ceisiwch beidio â chwistrellu. Dylech ei ffroeni neu ddabio yn hytrach. Os ydych chi'n chwistrellu - Peidiwch â rhannu offer, gwnewch yn siwr bod digon o nodwyddau ar gyfer chwistrellu dro ar ôl tro. - Osgowch gymysgu â chyffuriau eraill yn enwedig tawelyddion fel heroin (a elwir yn 'speedball') gan y gall hyn achosi mwy o straen ar eich calon a gall guddio effeithiau gorddos. - Osgowch gymysgu ag alcohol gan fod hyn yn creu cyffur newydd yn y corff; cocaethylene a all fod yn wenwynig iawn ac a allai gynyddu eich risg o gael trawiad ar y galon neu strôc - Ceisiwch sicrhau digon o gwsg (Yn yr Arddegau 8.5 i 9.25 awr / Oedolion 7 i 9 awr bob 24 awr; www.sleepfoundation.org) - Gall defnydd achosi gorbryder, anhunedd, paranoia a seicosis; dylech leihau neu roi'r gorau i'ch defnydd os cewch chi symptomau fel hyn. - Mae defnyddio cyffuriau adfywiol wedi dod yn boblogaidd iawn; gall defnyddio mwy nag un cyffur adfywiol ar y tro roi cryn straen ar eich calon. - Gwnewch yn siwr bod gennych fwy o ddiwrnodau pan na fyddwch chi'n defnyddio, na diwrnodau pan fyddwch chi'n defnyddio. - Defnyddiwch mewn amgylchedd diogel gyda chwmni dibynadwy - Dywedwch wrth rywun sydd gyda chi beth rydych chi'n ei gymryd

Mae'r symptomau'n cynnwys effeithiau symbylol fel cynhyrfu, curiad calon ac anadlu cyflym, chwysu, yn ogystal ag effeithiau seicosymbylol canhwyllau'r llygaid yn ymledu, rhithwelediadau a deliriwm. Mae gan gocên botensial sylweddol i achosi gwenwyndra cardiaidd – mae pwysedd gwaed uchel, rhythmau annormal y galon, poen yn y frest, niwed i gyhyrau'r galon, ataliad cardio-anadlol a thrawiad ar y galon i gyd yn gymhlethdodau posibl yn sgil defnyddio cocên. Yn ogystal, mae methiant yr arennau, parlys hypocalemig, asidosis a thrawiadau hefyd yn symptomau difrifol a all ddigwydd wrth ddefnyddio. Mae gan gorwres sy'n troi'n ordwymyn y potensial i achosi methiant mwy nag un organ yn gymhlethdod posibl oherwydd bod cocên yn atalydd ailfewnlifiad serotonin cryf. Oherwydd natur gostig y cyffur, gall niwed i'r septwm trwynol a rhinitis (“trwyn yn rhedeg”) ddigwydd. Drwy chwistrelliad mewnwythiennol (nad yw'n cael ei annog o gwbl) gall emboledd ysgyfeiniol ddatblygu, sy'n gyflwr a all fod yn angheuol. Mae ysmygu hefyd yn peri risg, gan gynnwys oedema ysgyfeiniol (croniad hylif ar yr ysgyfaint). ', Toxicity_Welsh = '1. Dylai defnyddwyr sydd â phroblemau calon, cylchrediad y gwaed neu bwysedd gwaed eisoes osgoi defnyddio cocên, gan y gallan nhw fod yn fwy agored i wenwyndra cardiaidd, a/neu waethygu hynny. 2. Mae defnyddio gwrthiselyddion ar yr un pryd yn cynyddu'r risg o ddatblygu cyflwr difrifol o'r enw syndrom serotonin, lle gall nifer o effeithiau ddigwydd, gan gynnwys coma, trawiadau a chynnydd sylweddol yn nhymheredd y corff. Felly, ni anogir cymryd cocên ar yr un pryd â gwrthiselyddion o gwbl, er mwyn lleihau'r risg y bydd hyn yn digwydd, gan fod gwenwyndra serotonin yn bosibilrwydd. 3. Dylai defnyddwyr sydd â symptomau sy'n gwaethygu'n sylweddol, yn enwedig pobl sy'n cael poen yn y frest, gwres uchel, cynnwrf neu gonfylsiynau, fynd i'r ysbyty ar frys i gael archwiliadau. 4. Mae hyd y weithred yn amrywio gan ddibynnu ar sut mae'n cael ei gymryd - er mai eu cymryd drwy fewnanadlu, yn fochaidd, trwy'r trwyn ac yn fewnwythiennol yw'r rhai mwyaf cyffredin ac maen nhw'n tueddu i gael effeithiau cyflym, dangoswyd bod bioargaeledd yn uwch ar ôl cymryd drwy'r geg o'i gymharu â thrwy'r trwyn.(2) 5. Mae cyd-lyncu cocên gydag ethanol yn cynhyrchu cemegyn ar wahân o'r enw cocaethylene - awgrymwyd y gallai cyd-lyncu'r cyffuriau hyn gynyddu'r risg o gardio-wenwyndra, a pharhau effeithiau cardiowenwynig o'i gymharu â llyncu'r cyffuriau hyn unwaith ar eu pen eu hunain. Felly, mae'n well peidio â chymryd cocên ynghyd ag alcohol. 6. Gall cnawdnychiant myocardiaidd, ffibriliad a thacycardia fentriglaidd, damwain cerebrofasgwlaidd, camweithrediad ysgyfeiniol a hepatowenwyndra ddigwydd gyda defnyddio acíwt neu gronig.

Dibyniaeth seicolegol gref, seicosis.