Mae canabis yn tyfu mewn llawer o fannau yn y byd, ond mae'r prif ganolfannau cynhyrchu masnachol yn cynnwys gogledd a gorllewin Affrica, de America, y Dwyrain Canol a'r Dwyrain Pell. Caiff ei dyfu fwyfwy dan do yn Ewrop. Y prif gynhwysyn Seicoweithredol mewn canabis yw Tetrahydrocannabinol (THC).
Roedd y defnydd meddygol cynharaf a gofnodwyd o ganabis yn Tsieina, 4,000 o flynyddoedd yn ôl, ac mae llawer o ddiwylliannau wedi gwerthfawrogi ei briodweddau meddyginiaethol ers hynny. Y dyddiau hyn, mae ffurfiau synthetig o'r enw marinol a nabilon, weithiau'n cael eu defnyddio i reoli cyfogi a chwydu mewn cleifion canser. Mae cefnogwyr yn credu y gellid defnyddio canabis i gael effaith fuddiol mewn ystod o afiechydon o glawcoma i sglerosis ymledol (MS). Rhoddir canabis meddygol ar bresgripsiwn ar gyfer cyfog, poen a lleddfu symptomau sy'n ymwneud â salwch cronig, ond mae ei ddefnydd yn parhau i fod yn ddadleuol. Dangoswyd bod gan THC lefel isel a chanabinoidau eraill briodweddau analgesaidd, gwrth-sbasmodig, gwrth-gonfylsiwn, gwrth-gryndod, gwrth-seicotig, gwrthlidiol, gwrth-gyfog ac ysgogi chwant bwyd. Mae ymchwil yn parhau i effeithiau meddygol canabinoidau.
